Get A Quote

Parte hartu

Ager Vasconum literatur lehiaketa

Tafalla, Erriberri, Estella/Lizarra, Viana, Zizur Nagusia, Zangoza, Lodosa eta Garesko udalek eta Irantzu Mankomunitateak IX. Ager Vasconum Literatur Lehiaketa antolatu dute, poesia eta narrazioa modalitateetan, euskaraz.

TRIPTIKOA JAITSI

2026ko oinarriak

Gaur arte bi modalitate saritzen dira lehiaketan, poesia eta narrazioa, eta parte hartzea multzokatuta dago adinaren arabera.

Udalerri hauetan erroldatuta dauden 12-30 urteko gazteek parte hartu ahal izanen dute, baita udalerri horietako ikastetxeetan ikasten edo ikasi dutenak ere.
Idazlanek gai librea izanen dute, eta euskaraz idatzita egon beharko dute, jatorrizkoak eta argitaratu gabeak. Idazlanetan ez da egilearen izen-abizenik agertuko; halakorik balego, lana lehiaketatik kanpo geldituko litzateke zuzenean. Ez da adimen artifizialaren bidez egindako lanik onartuko.

Testuak Arial 11 letrarekin idatziko dira, 1,5eko lerro tartearekin, eta luzera adin tartea eta testu motaren araberakoa izanen da (olerkia edo narrazioa). Sariak ere modalitate eta adin tartearen arabera izanen dira:

  • Narrazioa, DBHko 1. eta 2., gehienez 2 orrialde. Hiru sari, 50€koak.
  • Narrazioa, DBHko 3. eta 4. mailak, 2-3 orrialde. Hiru sari, 50€koak.
  • Narrazioa, 17-20 urtekoak, 2-4 orrialde. Bi sari, 150€koak.
  • Narrazioa, 21-30 urtekoak, 2-5 orrialde. Sari bakarra, 300 €koa.
  • Olerkia, DBHko 1. eta 2. mailak, 10 lerro gutxienez. Hiru sari, 50€koak.
  • Olerkia, DBHko 3. eta 4. mailak, 15 lerro gutxienez. Hiru sari, 50€koak.
  • Olerkia, 17-20 urtekoak, 20 lerro gutxienez. Bi sari, 150€koak.
  • Olerkia, 21-30 urtekoak, 20 lerro gutxienez. Sari bakarra, 300€koa

Ohi denez, Eskualde/Merindade bakoitzeko lan bat aipatuko da, baldin eta aurkeztutako lanek horretarako merezimendua balute. Elkar Saria deituko zaio.

Paperean edo digitalean aurkezten ahal dira, honela:

– Paperean. Tafalla, Erriberri, Estella-Lizarra, Viana, Zizur Nagusia, Zangoza/Sangüesa, Lodosa eta Garesko udaletxeetan eta Irantzu Mankomunitatean.

Bi gutun-azal erabiliko dira:

Lehen gutun-azala. Kanpoan, lanaren izenburua eta egilearen adina edo ikasketa maila. Barruan, izen-abizenak, helbidea, telefonoa, posta elektronikoa eta adina edo ikasketa maila.

Bigarren gutun-azala. Kanpoan, egilearen izenburua, adina eta ikasketa maila. Barruan narrazioa edota poema, eta lehenengo gutun-azala.

– Digitalean. euskara@tafalla.es helbidera bidali.

Mezu elektroniko bat bidaliko da lana WORD eta Pdf formatuetan erantsia, eta mezu berean, baina lanetik bereizita, egilearen izen-abizenak, helbidea, telefonoa, posta elektronikoa eta adina edo ikasketa maila adieraziko dira.

Lanak aurkezteko epea 2026ko apirilaren 24an, ostirala, amaituko da.

Epaimahaia honako hauek osatuko dute: Castillo Suarez Garcia, Angel Erro Jimenez, Amaia Aldanondo Perkaz eta Urtzi G. Elorza. Tafallako euskara teknikariak idazkari lana eginen du.

Idazlan onenak aukeratzeko, ondoko irizpideak izanen ditu kontuan epaimahaiak:

  • Irudimena eta sormena
  • Testuaren ezaugarri literarioak
  • Testuaren arintasuna eta koherentzia/kohesioa
  • Hizkuntzaren erabilera zuzena eta aberastasuna.

Tafallako Udalak epaimahaiaren erabakiaren berri emanen die interesatuei ekainaren 11an. Informazio hori https://agervasconum.eus/ gunearen bidez ere zabalduko da.

Sari banaketa ekitaldia 2026ko ekainaren 18an, osteguna, arratsaldeko 19:00etan Garesko Zubipean eginen da. Eguraldi txarra eginez gero, Vínculo Etxean.  

Aurkeztutako lanak euskara zerbitzuen esku geratuko dira, eta hainbat bidetatik argitaratzea erabaki ahal izanen dute.

IX. Ager Vasconum Literatur Lehiaketan parte hartzeak oinarri hauek onartzea dakar. Argibide gehiago aipatutako udaletan jaso ahal izanen da.

Nola parte hartu?

Paperean

Tafalla, Erriberri, Estella-Lizarra, Viana, Zizur Nagusia, Zangoza/Sangüesa, Lodosa eta Garesko Udaletan eta Irantzuko Mankomunitatean.

Digitalean

Dokumentazio guztia euskara@tafalla.es helbidera bidaliz edo azpian agertzen den formularioa osatuz.

Inskripzio formularioa

Nahiago baduzu webgunetik zuzenean egin dezakezu zure inskripzioa lehiaketan azpiko formulario osatuz.

1

Parte hartzailea

Osatu parte hartzailearen informazio guztia.

2

Fitxategiak

Gehitu zure lana WORD (.doc, .docx, .odt) eta PDF formatuan.

3

Baldintzak

Pribatutasun baldintzak onartu eta bidali formularioa.

- Inskripzioak itxita -

DATUEN BABESA

Tratamenduaren arduradunak: Lizarra, Tafalla, Erriberri, Gares, Zangoza, Lodosa eta Vianako Udalak eta Irantzu Gizarte Zerbitzuen Mankomunitatea

Helburua: Ager Vasconum lehiaketarako izen-emateak kudeatzea.

Eskubideak: Datuak eskuratu, zuzendu eta ezabatzeko eskubidea duzu, baita beste eskubide batzuk ere, udal bulegoetara joz.

Informazio gehiago: Pribatutasun Politika

DATUEN BABESA

Tratamenduaren arduradunak: Lizarra, Tafalla, Erriberri, Gares, Zangoza, Lodosa eta Vianako Udalak eta Irantzu Gizarte Zerbitzuen Mankomunitatea

Helburua: Ager Vasconum lehiaketarako izen-emateak kudeatzea.

Eskubideak: Datuak eskuratu, zuzendu eta ezabatzeko eskubidea duzu, baita beste eskubide batzuk ere, udal bulegoetara joz.

Informazio gehiago: Pribatutasun Politika